A me piscinina

Sta cinciapèta
l’é tüta nèrvi,
a l’é mai férma
nanca ‘n minutu’
pròpi mé ‘n calimón.

La tròt’ in giru
tüta a giurnáa,
la fá disprégi,
la disfa a cá,
l’é ‘na disperazión!

Cunt’i so ögi,
vivi, da gáta,
la ta sghisisi
squás da travèrsu,
fürba mé ‘n diavarén.

Ma can l’é sia
e uramài stráca
la ciap ‘in bràsciu
a sò pupòla,
setáa ‘n d’un cantunén,

E la ma cérca,
la vöi sta ‘n brásciu
cun giá será
i so ugiti,
còlda mé ‘n pasaén.

La pògia ‘l cò
in sü a mé spála
e la bandòna
i so brasciti,
ligéa mé ‘n puasén.

E gha perdònu
tüt’i so vizi
e gha perdònu
tüt ‘i caprizi,
parché la ròba ul bén.

Gianni Fusetti.(1968)


Dedicata a Katarina

Giovanna, Ezio
   Manuela, Fabio.

Altre composizioni di ospiti