PULENTA E BRUSCITI


Ti si rigordi dul tempu ch 'é passá
chandu, insemma ai nostr amisi,
a prepaream cuntenti chel stüá
ch' a gha diséam pulenta cui brüsciti?
Roba da leccá i barbisi!(1)
Sa üsea setassi inturnu al nost 'camén
a cüntá ball e fa rustì i maron,
tegnendu in man un bon bicer da ven
ma non da nustranel, ma da chel bon.
Mò ul tempu al s' é cambiá, e sa üsa pü
tüci chi bei robi cha sa üsea a chi tempi,
mò gh ' é cambiá tüscossi, e a gioventü
a l'e cambiáa anca lé in d'un mumentu.
Mò in da 'stu nostar Büsti,
con genti laburiusa e intelligenti,
gh 'e stei chi ch' ha truá a riceta giüsta
par fala püssé bona e da bon güstu.
'L ha pensá ben da fala dulzi.
Finalmenti an 'ma anca a Busti,
fra tantu lauá da noci e di,
eccu cha gh 'é un Campi cha 'l há inventá
un dulzi a una manea ch' a la stá non indré,
par belezza e par buntá, a ogni gulusitá.
E pö, dopu a buntá,
eccu che al g 'ha fei anca ul mantén
par fagal disquatá,
inscì che dopu 'sta surpresa,
e dopu avell güstá,
no sa pudaá oltar che dì:
Chesta si l'e una buntá!


Angelo Bottigelli

Composizioni di Angelo Bottigelli
Altre ricette