4 Agosto 2013 / 94 anni



Te sé lì sül lecciu,
tri cussìti sut’ul có,
un lanzö biancu sü i gambi,
i ögi será, ul fiá sbanfanti,
a lenga un pó sücia.

A ta fissu e pö a guardu a testáa dul lecciu:
i dü angiaìti da legn indurá
han piegá ul có versu da ti.
Sa gh’è stei?
Han cedü i ciodi dul müü?
“No – a ma rispondan –
stiamo scendendo “.

Anlua a ma ègn ul magón
e ma ègn giù na lagrima.
Va pregu, spicé anmó des minüti!
Gh’è anmó ussigen in dáa bombula
e acqua in dáa flebo.
A ma rispondan: “tu sei il dottore del corpo,
noi siamo gli accompagnatori dell’anima”.

Peró a m’an déi trá
e han spiciá anmó un’uéta
prima da sguá insema lü,
ul stes dì ca l’è nassü.
……………………………….
A guardu anmó i angiaiti
dáa testáa dul leciu:
i cuazziti in turnái drizzi.


Flavio Candiani


Altre composizioni di Flavio Candiani