14 Febràr

Incö, a sa festegia
un santu ch’al ta üta...
a fati spéndi i dané
e a svuiá ul bursén,
al sa ciama: “Valenten”.
Prima l’éa ul prutetùi
dumá di muúsi,
pö par cunvenienza
i butegai, par vendi
püssé dul necesai,
l’han fèi dientá a
festa da tüci innamuài.

Mó a sa üsa faghi ul
regal aa dona, o a muúsa,
sa ti se sciùi ti ghe töi
un caicòssa d’óu,
o i ciculatìti, sa ti se póu.
‘Na ölta u amui al sa
dimustrea cont’i caézzi,
cont’aa fedeltà, cont’i basìti,
mó se ul regal a l’é da valui,
i seran sü i ögi... anca süi curnìti.


Angelo Crespi (Masén)


Altre composizioni di Angelo Crespi