A Giasciu, anca a casina da Brüghetu, uamài la gh'é pü.
Tüt in dun bòtu, fichefò, tra sia e matina ta l'han tràa giù.
A 'idè sti tochi da müi stecài, andabén par cuatà sü i vargogn,
ma 'egnan in dul cò a Néta, i Cozi, i Mota, i vègi, i baliti e i donn.
A fioca, a scighéa, a caìsna e ul laci pèna mungü, coldu dentar al butegliòn;
a druigia, i scigài, e ul frescu dul buscu da rübigna, i prà e i sciuèti, ul miagòn.
Che giügatài da rèla e tòla ul giüedì ! E che batagli a sasai o cunt i cerbutàn
Propi lì, 'nduè i Büstochi cunt ul Barbarusa ai han ciapài sü da chi da Legnan !
Mo sa 'edi dumà ul panaton dul "palazetu", inaugüà da cursa e già serà
'na cai ca pupular "in stil casina", nduè nöi poi cristi 'ndaàn a stà.
Ma i ann da storia, da memoria, da faci bèi e brüti, se in dul cò hin bén piantài,
i vanzaàn lì: hin sé non dü o trì büton da rüspa dul "prugrèsu" …. Par lavài!