Dialogo anni 60 Busto Arsizio – di Paolo Olgiati

Dilogo anni '60 a Busto


Di Paolo Olgiati
(riferimento Almanacco della Famiglia Bustocca anno 1961)
Dialogo colto davanti alle scuole elementari in Via Bossi tra Marien a Lengascia e Seu

Seu: Dughè a vi, o Marien?
Marien: Sa ghi da fá, me cara Seu, bisögna lassá giù ul lauá par accumpagná a scöa chel por balen chi!
Seu: Parchè? sa l’ha fèi?
Marien: Naguta 'l ha fèi; ma fí che fá, ul só maéstar ma lu lássa a cá cont’a a suspensión. Sal vör dí mó ul bigliettu cun scrittu sü: "M….. sospeso perché indisciplinato!" Al só ben anca men che ul me fiö 'l é mia un santu, ma al suportu men, ca lu suporta un pó anca lü! al mandu a scöa par fiadá un pó e chel ciúla d’un maestar ma lu manda a cá. Sa pagan da fá i tássi? ma mó a vo lá men a fa föa i rasón!
Seu: Chi 'l é ul so maestar?
Marien: Al sóia men chi l’é! a l’é un fuasté, vön da chi foasteásci chi vegnan chi a Büsti con centu völti nagúta; sa vi lá in cá sua, ga portì via tüscossi cunt una furchettáa. Ma dopu un pó ch’hin chì, i diventan preputenti e páan lui i padron da Büsti. Ma cus' al é diventá ul nostar Büsti? 'L é propri ul paesi di lüganeghitti? an da fássi cumandá da tücci i fuasté? Peró sa va lá una sciuétta, da chi cul capelén in có, alúa divéntan sübitu muasíti e gha disan: "O signora si accomodi; e suo marito è in casa? no? allora verrò a trovarla". E inscí, con tütti sti bei versi, ul só fiö al pássa a classa anca se l’é una teppa. Ul me fiö inveci, al é trí ann ch’al fá a segonda e g'ho pagüa che al passa non nanca chest’ann! Ma adessu a vó lá men a parlá ciau, e se in sé non i paól, a dröu anca a suáta!.

Suona la campana, le due donne si lasciano:
Adíu Seu.
Adiu Marién.
Giorgio Giacomelli (pubblicato il: 22/3/2015)


Altre composizioni di Giorgio Giacomelli