|
Elenco articoli umoristici - Strafalcioni bustocchi (di L. Giavini) - Strafalcioni bustocchi (di C. Solbiati) - Vignette (di S. Cappelletti e G. Magugliani) - Genti da Büsti (di Marco Torretta) - Al festival di Sanremo (di G. Bandera) - Anni 50 a Busto (di G. Giacomelli) - Anni 50 a Busto (2)(di G. Giacomelli) |
Al festival di Sanremo (di G. Bandera)Ghéa un sciùi da Büsti ca la ‘ndéa al “Festival” tüci i ann cont’aa só dona e a so tusa, e ca al s’éa fèi amisi con di oltar sciui e tuc’i an a sa féan di gran complimenti. “Ma la vá, a stì ben tüci” e via via cont’i complimenti. Un ann, a dona dul sciui da Büsti a gh’é gnü föa un bugnón in sül cü, e ‘l ha pudü non ‘nda a San Remu, inscì lü e a só tusa in’indéi daparlui. A tusa a la ga racumandá al só pá, c’al parlea pocu ul talian, da stá téntu candu al éa da parlá daa so dona e da di dumá ca la gh éa una ”Fistola all’ano”. Candu in riái e han cumenzá salüdás cont’i amisi, vögn di só amisi al ga dumandá sa la ghéa a so’ dona, parché a lù vidéa non. Ul büstocu ‘l é vanzá lì tanme lü, pö al sé giá in ves’ a só tusa, e al g’ha dumandá: ”Tì, uì, ma ‘l sa ciáma mó ul büs’ dul cü daa to mama ??”. Giovanni BANDERA Leggenda metropolitana che circolava a Busto Arsizio negli anni 50-60 del secolo scorso. |