Büsti grandi, trèdas April dul nuantasèti

Stracüntà
A vardéu, cunt i ögi incantài dun fiö
'na stela … propi bela … bela cumé
dun splendùi cha da sigüa al é non da chéstu mondu chì.

In chela cha la paséa, in dul me cielén, da lé inamuà,
a la darsedéa a mé noci, da sempu indurmentàa,
cunt i so longhi e velütai caì da lüsi.

Lè, Anima libera,
a la tabachèa …. a la sliséa via …. dasadàsi,
par turnà in chel so "Unièrsu", duè men, peò, a gha som non.

Alùa a tristeza a la rìa in dul peciu 'me na bisa
E na cuertàscia negra, preziusa di so sbarlüsi gutòn d'amùi,
la quata ul mondu …. ul mè mondu.

Men, dumà cunt i me pensè,
a scultu u ecu dul mè cöi
ch'al é sguà via tenme 'n pasaén stremì
par sta insema a lé

Roberto Petrucelli