(Composizione seconda classificata al concorso di Poesia Bustocca degli amici del '30 - anno 2005



Adré sía
a lüna la specéa
da mèti föa ul có
döntu un cièl
penelà anmò da russu
dul su cha l'éa dré finì a sò giurnàa.

Ul füm di camìti
daa cassìna
al sa mescéa
al vèl dul brúméncu
, tème 'na cuèrta
cha la prutégi i piàn da i prim frègi.

'Na tazìna da pulenta e laci,
un prufüm da lègna al fögu…
e in giru un gran silenziu e 'na gran pàsi:
dumà i can cha sa ciaméan da luntàn
e a ùsi di campàn
a ringrazià pa 'n'òltra sía.

Udùi, culùi, mumenti
d'un tempu cha gh'é pü.


Giuseppe Gabri