Por Büsti - di Ernesto Bottigelli - poesia dialettale in Bustocco

Por Büsti *


Por Büsti !!! Cus al vàrta ul to lauá?
Cuss’i vártan tüci i tó sacrifizi,
ul to cöi, ul sacriná, a to buntá,
can’ t’é a véss tiá a zambèll da gram giüdizi.
A tó uspitalitá l’é cumpensáa,
ma can paiggi da chi cha vègn chí,
dopu impiení ul bursòn, vóltan cuntráa
e tan disan da pü da chèll da dí ?
Sa tan cavi a creá certi carugnètti
ca gh’hann vergógna a dì ch’hin tó da Büsti,
e par non fassi capí, parlan dialéti
patuá, da ridi e piangi par vai güsti ?
S’ t’é vanzá a daghi un tetiö a ‘n Büstesi
da Büsti fina a niùla du ossu,
ch’al gira cunt ul culaén in di paési
e dul to teciu an disi a pü non possu … ?
Por Büsti !! e pensala te sé d’esempi
par lauá, par braézza e culumía,
a tan pemacchi e tan balabontempi,
che sü i tó spàll i gódan sciaía… !
Da föa, ul tó nomm al é un bell naguta,
al è tegnü in poca cunsideazión,
nisögn sa briga e la gha vöi tüta,
da daghi a importanza dun gran campión !
Ul to nom ‘l é sempar ültam menziuná;
e can par forza al vègn da sò rasón,
‘l batan, lu sbalòtan cunt ul ventüá,
‘l crübian e bütan me buatá ul miagón !
E… in tanti manéi ta stréngian i birö:
ta dan dul làdru, du asasén, canaia;
dan dul balossu, du gnuranti, zö;
mancanti da rasón; fögu da paia !
… Cunsideála, che a vigní da via, prüma
da purtasi in dal nòsta cavadagna,
un badalücu da camén cha füma,
sègnan che, sutu, al Büstocu al guadagna.
Büstocu, che par fa bona figüa,
al laùa al lembu, matina par sía,
e da dubiá ul fión non gh’ha pagüa;
cògnitu, brau al pái da che sa sia !
Büstocu, pell un pó sgrègia difati,
manéa rüstiga, sì, ma ul cöi saén;
fùiu sül lauá, pochi ciaciar, tanti fatti,
senza vess canaia, ladru né asasén !
Por Büsti !! sal várta, dì, ul tò lauá;
cuss’i vártan tuci i tó sacrifizi,
ul tó cöi, ul sacriná, a tó buntá,
cand te a vèssi tiá a zambèll da gramm giüdizi ?!



Ernesto Bottigelli - 1902


* Quanto mai valido ancora oggi quel che scrisse Bottigelli cento e più anni fa. Di Busto, della sua ospitalità, approfittano tutti, ci guadagnano, si riempiono borsellino e gozzo e poi, appena girate le spalle... giù a dire che è gretta provinciale, ignorante priva di cultura e di arte.
Di Busto non si parla mai se non per processi, per mascalzonate commesse da non Bustocchi, ma da bustesi della peggior genie, figliastri che nulla han capito della città.
Ecco dunque rinnoviamo l'invito a chi Bustocco si sente: portate alto il nome della città; e alle autorità: fate conoscere al mondo le bellezze, anche quelle di arte, troppo spesso nascoste; avessero altri certi nostri capolavori: sai che vanterie !
21 aprile 2013 - Enrico Candiani

Altre composizioni di Ernesto Bottigelli