|
Al ma pái véa nón che quarantadü ann in già passai, da chel dí cha sèm spusai. Ma seam giúin, a gh’heam in dü quarantasèt’ann, candu ul Don Liviu al gh’ha benedì in gésa San Giuàn. Ti pö, magra e piscinina a t’he paéi püssé giuina, a t’he sembrei ‘na balina, a ti séi ‘n buciulén, a ti séi, e a ti sé anmó, propi un bel sgarzuén A ma piasi ancamó tüscóssi da ti: ul tó surìsu, cha te fe cont’aa buca e cont’i ögi; a tó manéa da fá; ul tó parlá; a t’he me piasi anca candu ti sé denáa e sa capissi cha t’he vuaíssi dami ‘na cagnáa; a t’he me piasi candu su utumána a t’he pesi i póm dananzi aa televisión, e ti se dirsédi, candu men senza vué, senza fá apósta a fó di brüschi muiménti, t’he vèrdi i ögi... t’he me guardi... t’he me surìdi... e pö ...ti se riadurmenti; t’he me piasi candu tüta urgugliusa t’he guardi i tó fiö, i tó spùsi, a tó naúdina, e ma incorgiü che squas’squasi a t’he me piasi püsse mó da prima. A ringraziaó sempar a Teresina, a l’é grazi a lé cha sem cugnùssui, e ta giüru che se tüt’in d’un bòtu a duaíssi turná indré in dul sessantotu, a cambiaria naguta da chel ch’hu fèi alùa, parché a ma ritegnu un omm furtünà par aveti incuntráa, par aveti spusáa. A saó anca esigenti, ma tüci i dí, candu a pregu ul Signui, a gha dumandu: che candu la egnaá l’ua par tiá lá vögn da nögn a cá súa, da ciamá ánca chelóltar, da faghi muí tüll dü insema, e sa sa pòdi, ‘na morti senza dulúi, ‘na morti bèla, delicáa... magára candu a turnámindre da ‘na spassegiáa |
Non mi pare vero che quarantadue anni sono già passati da quel giorno che ci siamo sposati. Come eravamo giovani, avevamo in due quarantasette anni, quando Don Livio ci ha benedetti in chiesa San Giovanni Tu poi, magra e piccolina parevi più giovane, sembravi una bambina, eri un bocciolo eri, e sei, proprio un bel sgarzuén (1) Mi piace ancora tutto di te: il tuo sorriso, che fai con la bocca e con gli occhi; la tua maniera di fare; il tuo parlare; mi piaci anche quando sei arrabbiata e si capisce che vorresti darmi una morsicata; mi piaci quando sul divano pesi le mele davanti alla televisione, e ti svegli quando io senza volerlo senza farlo apposta faccio dei bruschi movimenti, apri gli occhi... mi guardi... mi sorridi... e poi... ti riaddormenti; mi piaci quando tutta orgogliosa guardi i tuoi figli, le tue nuore, la tua nipotina, e mi accorgo che quasi quasi mi piaci più adesso di prima; ringrazierò sempre la Teresina, è grazie a lei che ci siamo conosciuti, e ti giuro che se tutto in un colpo dovessi tornare indietro nel sessantotto, non cambierei niente di quello che ho fatto allora, perché mi ritengo un uomo fortunato per averti incontrata, per averti sposata. Sarò esigente, ma tutti i giorni prego il Signore e gli domando: che quando verrà l’ora per tirare là uno di noi a casa sua, di chiamare anche l’altro, di farci morire tutte e due assieme, e se si può, una morte senza dolore, una morte bella, delicata... magari quando ritorniamo da una passeggiata. |