Un caldái da fasuìti;
ácqua, e déntar èrbaèlla;
fögu chiètu da sciochìtti.
Fá rustì in d’una padèlla,
óli e áj e sciguìtti
sá e pévar e canèlla,
‘na tumátasa e un póru.
Cand' aa conscia la par d‘óru:
dén’tüscóss’in daa pignátta;
suttu fögu forti, a büi
fin che ul vónciu al fá fregüi,
e a brudáia, l’é cumpátta.
Pàn da Busti, a fètti, a fetti
bén sitii ‘me tant ‘uffèll,
in marmìtti o tazzinètti;
trüsa aa mánna ‘gnüa dul cièll;
vöja sü, a cazzüètti
fasuìtti e brödu e pèll;
quátta giù a maseá:...
mangia ‘n pástu maj pruá!
Numastá mètt’ul furmáj:
in Quarésma l'é un gran guáj.
Vén pütòst, dul Gran Noè,
che ul da mágr’al bráma adré!