Candu a seu piscinina a mé nona Teresö cha al éa na dona sitìa tenme na candìa e al éa spusà ul Furtünén cha al é stèi in Merica a lauà in süi tié, a la ma féa setà giù sü na cadreghéta, a la ma tiéa presa e a la ma cüntéa sü i filastrochi.
Din Don Dan
Gh'è sunà na campanèla
Ch'è scapà na pulastrèla
Al é scapà in dul cifon
Al ha mangià tüci i bumbon.
Duman al è san Gaitan
Chi gha vöi mangià a süpa
Cha al porta drè ul so pan !
A gh'éa un omm e un umetu
Cont in spala ul gerletu
Han ciapà na büsca in dul cületu
Hin burlai giù da chel müétu
Vön, dü, trì
A gh'eu na suèla cha a la vuéa mai cüsì
E mo cha al è morta i bögi hin ventitrì
Par fini !
A mè nona al è 'ndèi a ca dul Bia
E a me nauda a la ma disi: "Zia, raccontami le filastrocche della Nonna Teresa"