Giuàn Bandéa (Cangelén)
Un po’ brüscu da manéa
can’ ch’al lengi sü i só stóri
ma al cambia a svelta céa
s’al ta cönta i só memòri.
Tanci an da capelón
e dul canestar alenadùi
e da candu a l’è in pensión
al ta tröa anca i dulùi;
e pö al gira a cercá armandul,
fiùi, erbasci, ram, radìsi
e al fa infüsi cunt i giandul
cha ta fan drizà i barbìsi.
E al scarlàtta sü documenti
pa’ cercà da Büsti a storia
e fà rivivi i bèi mumenti
e tegnì viva a só memoria.
Dul dialettu pö l’è un gran cultùi:
te da saèl non un tantu al tòcu,
e sa t’el scrìi malamenti che dulùi
par lü cha l’è un maèstar da büstòcu,
cha l’è ligà a só tèra, ai tradizion,
aa genti di cassìn e da Bursan
e s’al par bisientu a l’è véa non
parchè l’è vögn cun sempar ’ul cöi in man
29 ottobre 2012 - Giuseppe Gabri (Camilén )
