Bustocco.com: Ginetto Grilli secondo Giuseppe Gabri
Ul Ginettu
(Virginio Grilli)
Daa só genti e da Sinagu un gran cantùi,
bon da catà carattar, sentimenti e culùi
sempar cun bèla manèa e ‘n fil d’irunìa
cundìa da bèi paòl tüll pièn da puesìa.
Chi ch’a cugnussi non incö ul Ginettu
o üna di só stori in sinaghén-büstoccu?
Par vègal un quai dì cun ti in cumpagnia
urmai te a prenutà e spicià ‘l turnu in fìa.
Gh’è non‘na sìa, gh’è bóna ögni ucasion,
‘na festa o ricurenza, ögni canton l’è bón
pa’ fasi cöntà sù ‘l paltó daa san Vincenzu,
e pa’‘l só san Zarìl? Gh’è bon ogni mumentu!
Ul Busö da Lüon, ul Tugnén daa Pinéta,
ul Bigèla, ul Pà Carlén (ul fiö daa Scurbéta),
ul Maca Felice … i tradizion, a fedi, a storia..
in dul só có hin lì piantai e lü al fa memoria.
A iu ten vivi, iu cönta, sempar cun tant’amùi,
al racorda cun misüa i amisi, i róbi bèi, i dulùi.,
Tanti stóri, tanti fáci… ma a l’é convintu an’lü
che da“Genti da Sinágu” inscì a ga ne pü.
