"Ul mè fiö al gh'ha ul co gnücu
Ind' a mé tèra lü al zuféga.
Al vör tera a badalücu
Persia e anca u India intréga.
Sto' Lisandar: Mamalücu !"
(Filippo da Macedonia, ul Pà dul Alesandro Magno)
Bèl bambén, sa ta lasu
Sa te impari dul to pà.
Quatar robi, na gran cà,
non lauà fèi da gabàsu
ma da cò un gran scaldamentu
e in daa vita un gran turmentu:
ves' stèi bon, par chèl gran dì
- chan sa va a cugnusi i Santi -
da lasàti chì, par tì,
un caicosa da impurtanti:
non da roba, cà o vestì
ma da gran insegnamenti.
Sa in daa züca, gran pascénza
Dagh'a tra a tò cuscènza
Una vita da fadighi:
Tüci robi trol antìghi.
