Poesia candidata al concorso di poesia Bustocca degli Amici del '30 - anno 2005
A partisu da cá, a vo in gìu par ul mondu
a sütu a girá, ma al é sempu rutondu.
A so pü chel cha fò, a som dré andá indughé ?
Férmas da curi ! e dumandas parché.
A sèru i mé ögi e pensu áa mé cá
al é noci uramai, a giurnáa al é finìa
a la curi, a la scapa, da cursa a la vá,
ma ul cöi 'l é lá, adosu a cá mia.
Trása non tempu par cercá
da fa gnì bon mò i to ann trasá.
Varda ma al é, e tröa a manéa
da fa créssi ul fögu d’una lüghéa.
Trasa pü tempu e várdas indrè:
tanci hin i ann cha t’é bütà via;
i dì cha ta vanza scampai da Re
parché a ti gh’è pü na segonda partìa.
